Árbore da Veira (A Coruña): da cereixa á mazá
Durante moito tempo, a Árbore da Veira deixaba caer cereixas ao comezo da velada, cereixas vermellas e mentireiras: quen as mordía atopaba foie onde habían de estar a carne e o óso. Antonte non houbo cereixa. A árbore deu outra froita, e deuna ao final, cando xa ninguén a agardaba: unha mazá que tampouco era mazá, co queixo azul agochado no corazón. As árbores cambian co tempo: esta tamén. Deume por pensar que, dalgún xeito, esa troca de froitas tamén conta algo da cociña de Luis Veira , unha cociña que agora pisa máis lene e que antonte deixou na mesa pratos notábeis como o falso nigiri de anguía, steak tartar e trufa, o ceviche de peixe limón ou a stracciatella con champiñóns. Porén, o meu sitio segue a estar nos fondos e nos guisos, que agora pegan un pouco menos os beizos: a kokotxa e o seu pilpil, a pescada, a cigala con boletus e, sobre todo, as moegas de año e a raia con repolo. Para beber, o Bastardo 2016 do Mestre Mateo. Viñazo. A árbore cambia de froito, pero as raíces ...
Eu vou a pedir axuda no meu blog, a ver se facemos xa unha pre-selección...
ResponderEliminarE grazas por convocar de novo o concurso fotográfico, co que tanto disfrutei (pese a non gañar, unha cousa non ten que ver coa outra...) na anterior xantanza.
Sen coñecer moito a zona, eu propoño como opción un pincho previo en Betanzos. Aínda que se sabedes dun sitio en Cambre aforramos o desprazamento.
ResponderEliminarE que estean atentos os gañadores do I World Xantanza Photo, que vimos dispostos a dar guerra :-)